Uzalendo

1. Kuburudisha - nyimbo huburudisha hasa pale mtu anapokua amechoka na majukumu mfano shughuli za kilimo.
2. Kuelimisha - nyimbo hutumika kuelimisha jamii juu ya masuala mbalimbali mfano:- jinsi ya kujikinga na ugonjwa wa UKIMWI.
3. Kuhamasisha - nyimbo hutumika kuhamasisha jamii mfano kwenye masuala ya kisiasa juu ya kujiandikisha kupiga kura pia kwenye shughuli za afya huwahamasisha watu kufuata kanuni za afya ili kujiepusha na magonjwa ya mlipuko kama vile kipindupindu.
4. Kuliwaza - nyimbo hutumika kuliwaza pale jamii inapopatwa na tukio kama la kifo. Takribani shughuli zote za maisha ya binadamu huambatana na uimbaji wa nyimbo.

Uzalendo ni hali ya mtu kuipenda, kuithamini na kujitoa mhanga kwa ajili ya nchi yake. Mzalendo wa kweli daima anaweka maslahi ya nchi mbele.

Ili mtu aitwe mzalendo ni lazima awe na sifa hizi;

1. Kuzaliwa nchi husika na angalau mzazi mmoja au wote wawili wawe ni wazawa.
2. Awe mwaminifu wa kulipa kodi, kutoibia nchi yake kwa njia yeyote
3. Kutokua mharibifu au mfujaji wa mali na rasilimali za nchi.
4. Kuwapenda watu wote hasa viongozi wanaoijenga nchi bila kujali chama, udini, ukabila wala rangi yake.
5. Kuweka juhudi kubwa katika kuitangaza nchi yake vizuri ndani na nje ya mipaka
6. Kuwahamasisha watu wa karibu yake kama familia, ndugu majirani na marafiki kuipenda nchi na kujitoa muhanga kwa ajili ya nchi yao.

Hapa Tanzania wapo baadhi ya viongozi ambao kweli ni wazalendo;

1. Mwl Juliasi Kambarage Nyerere ni mfano mzuri wa kuigwa. Ni mtanzania mzalendo na anazo sifa zote za uzalendo. Pale alipopigania uhuru wa Taifa letu kutoka kwa wakoloni, pia alipopigana vita na Idd Amini alipotaka kuchukua ardhi ya watanzania. Mwalimu Nyerere alijitoa muhanga.
2. Edward Moringe Sokoine, aliyekuwa waziri mkuu wa Tanzania nae alikuwa mzalendo kwa kupambana na watu waliokuwa wanahujumu uchumi wa Tanzania.
3. Raisi John P. Magufuli pia ni mzalendo kwajinsi alivyopambana na wala rushwa, kulinda na kutetea rasilimali za nchi.

1. Watu wanaotumia rasilimali za nchi vibaya
2. Kuharibu miundo mbinu
3. Watu wanaohifadhi fedha zao nje ya nchi
4. Wezi wa mali za umma
5. Kuisema nchi vibaya
6. Mafisadi
7. Kuthamini vitu na mambo kutoka nje ya nchi

Tazama Ramani

Tazama ramani utaona nchi nzuri: Yenye mito na mabonde mengi ya nafaka Nasema kwa kinywa halafu kwa kufikiri Nchi hiyo mashuhuri huitwa Tanzania

Kiitikio: Majira yetu haya yangekuaje sasa Utumwa wa nchi Nyerere ameukomesha. Chemichemi ya furaha ama nipe tumaini Kila mara kwako niwe nikiburudika Nakupenda sana hata nikakufasiri Nitalalamika kukuacha Tanzania

Kiitikio: Majira yetu haya yangekuaje sasa Utumwa wa nchi Karume ameukomesha Nchi yenye azimio lenye tumaini Naliwe peke yako mwanga wa kitanzania Ninakuthamini hadharani na moyoni Unilinde nami nikulinde hata kufa

Kiitikio: Majira yetu haya yangekuaje sasa Utumwa wa nchi Kawawa ameukomesha

Nyimbo za kizalendo husifia Taifa, mfano mzuri wa nyimbo za kizalendo ni kama vile nyimbo za Taifa (Mungu ibariki Tanzania), Tanzania Tanzania, Tazama Ramani n.k.

Nyimbo za kizalendo huzindua moyo wa uzalendo kwa nchi na chuki kwa maadui wa nchi husika. Pia nyimbo za kizalendo huelezea na kusifia uzuri wa nchi na watu wake.

1. Taja nchi iliyotajwa katika wimbo Tazama Ramani

   1. Nchi iliyotajwa ni Tanzania

2. Eleza kwa kifupi uzuri uliotajwa katika wimbo Tazama Ramani

   • Nchi ya Tanzania ina miti na mabonde mengi ya nafaka ni nchi yenye amani na furaha hakuna vita ni nchi huru inayo uhuru wake haitawaliwi na nchi nyingine.

3. Taja watu waliokomesha utumwa katika nchi hiyo

   1. Nyerere, Karume, Kawawa

4. Katika wimbo mwandishi anaahidi nini?

   • Mwandishi anaahidi kuithamini nchi na kuilinda

5. Umejifunza nini kutokana na wimbo huu

   • Nimejifunza kuwa mzalendo kwa kuipenda nchi yangu, kuithamini na kuilinda. Hii ni pamoja na kulinda rasilimali zote za nchi na kuzitunza.